“அணு” விஞ்ஞானி அப்துல் கலாம் சொல்லிட்டாரு!!!!

                 இதை படிக்கும் முன் மக்கள் பயத்தை போக்க அவர் பத்திரிக்கைகளுக்கு அளித்த நீண்ட விளக்கத்தை படித்து விட்டு வாருங்கள். அதை படித்த உடன் என் மனதில் எழும் சில “Common-sense” உடைய எவனும் புரிந்து கொள்ளக்கூடிய சில கேள்விகள்.

அதே போல உதயகுமார் (மக்கள் போராட்ட குழு ஒருங்கிணைப்பாளரின் விளக்கத்தையும் படிக்குமாறு கேட்டுக்கொண்கிறேன்.

http://www.sacw.net/IMG/pdf/Nuclear_Free_India_Vol1_Issue1.pdf

அதற்கு முன் அப்துல் கலாம் “அணு” விஞ்ஞானி அல்ல, அவர் ஒரு Aeronautical Engineer.இதை உணர மீடியாக்கள் முன்வர வேண்டும்.அவரை அணு விஞ்ஞானி என அழைக்காதீர்கள்.அவரே அப்படி சொல்லிக்கொண்டதில்லை. அதற்காக அவர் அணுவை பற்றி பேசக்கூடாதென நான் சொல்லவைல்லை. எனக்கு கேள்வி கேட்க உரிமை இருக்கும் போது விளக்கமளிக்க அவருக்கும் உரிமை/பொறுப்பு உண்டு.

விளக்கம் படித்த உடன் எழுந்த கேள்விகள் சில :

1)இதை அப்துல் கலாம் யாருடைய வற்புறுத்தலும் இல்லாமல் செய்தார் என நம்ப என்ன முகாந்திரம்?? (போராட்டத்திற்கு பின்னால் “சக்திகள்” இருப்பது உண்மை எனில் இதற்கு பின்னாலும் எதாவது அப்படி இருக்க வாய்ப்பு இருக்கவே செய்கிறது).

2)அணு கழிவுகள் (Nuclear waste) 75% மறு – சுழற்சி (Reuse) செய்யப்படும் என கூறி இருக்கிறார். மீதி 25% அங்கேயே அடைக்கப்படுமாம், அது வெளிவர வாய்ப்பே இல்லையாம்.

                      சார் இது உங்களுக்கே கொஞ்சம் ஜாஸ்தியா தெரியல? அந்த கழிவுகள் என்னைக்கா இருந்தாலும் ஒரு நாள் எதாவது பண்ணி தான சார் ஆகனும்? சாதாரண ப்ளாஸ்டிக்கே அழிய 1000 ஆண்டுகள் ஆகும்  போது அணுக்கழிவுகளின் தாக்கம் எத்தனை நாள் இருக்கும்ன்னு உங்களுக்கு தெரியாதா?

3) சரி ஜப்பான் புக்குஷிமா முதலாம் தலைமுறை அணு மின் நிலையம் அதனால போச்சு . நம்ம கல்பாக்கம் அணு மின் நிலையத்தில் உள்ள குளறுபடிகள் உங்களுக்கு தெரியாதா?

அங்கே World Nuclear Association http://www.world-nuclear.org/ வழி காட்டுதல் படயா எல்லாம் நடக்கிறது? அங்கே இறந்த ஊழியர்களின் பிரேத பரிசோதனை அறிக்கை ஏன் வெளியிடப்படவில்லை?

எத்தன பேருக்கு அங்க என்னென்ன வியாதி வருதுன்னு வெளி உலகத்துக்கு தெரியாம மறைக்க வேண்டிய அவசியமென்ன?

4) சார்., Controlled chain reaction இருப்பதால் பாதிப்பில்லை. குளிரூட்ட பயன்படுத்திய நீரில் 5 செண்டிகிரேட் தான் பெப்பம் அதிகம் இருக்கும் அதில் கடலுக்கு செல்வதால் பாதிப்பில்லை என்கிறீர்களே, என்ன சார் நியாயம் இது? ஒரே இடத்தில் இருந்த்து திரும்பத்திரும்ப நீரை குளிரூட்டப்பட்டால் 5+5+5+…. இன்னா சார்?

5) சரி போகட்டும்…இந்த மின்சாரம் கிடைச்சு திருநெல்வேலி முன்னேற போகுதுன்னு சொன்னீங்களே அதத்தான் எந்னால தாங்கிக்க முடியல.

சார் உங்களுக்கு தெரியுமோ தெரியாதோ எனக்கு தெரியல.இந்தியாவை நடத்துவது பிரலாக்காலும் அம்பானிக்களும் தான், அதும் நேரடியாக்கூட இல்ல.நிரா ராடியா போன்ற தரகர்கள் மூலமாக

.

இத நீங்களே பாருங்க

 http://articles.timesofindia.indiatimes.com/2010-11-25/mumbai/28228655_1_power-bill-mukesh-ambani-nita

http://en.wikipedia.org/wiki/Antilia_(building)#Controversies

அம்பானியின் Antilia வீடு மட்டும், தொழிற்சாலை இல்லங்க வீடு மட்டும் ஒரு மாசத்துக்கு பயன்படுத்திய மின்சாரம் 6,37,240 யூனிட்டுகள். அதாவது எங்க வீட்ல 7000 மாசத்துக்கு (!!!) பயன்படுத்தற அதே அளவு. இதன் மதிப்பு 70,69,488 ரூபாய்கள் மட்டுமே. இதுல சார் உரிய நேரத்துக்கு கட்டிடறார்ன்னு சொல்லி (!!!) அவருக்கு 40000 தள்ளுபடி வேற!

நீங்களே சொல்லுங்க இதுல வர்ர மின்சாரத்த அந்த பகுதி மக்களுக்கு இலவசமா தர நீங்க தயாரா?

இந்தியா முன்னேற இது வேணும். அட போங்க சார் கமெடி பண்ணிகிட்டு. இந்த பணம் ஸ்விஸ்க்கு இல்ல போகப்போகுது.

 6) இரண்டாவது  முறையாக தமிழத்தையே திரும்ப தேர்வு செய்து எங்களுக்கு இந்த அறிய வாய்ப்பை வழங்க என்ன காரணம்?

7) அப்பறம் சார், என்னமோ சொன்னீங்களே..ம்ம்…அய்யோ மறந்துட்டனே..ம்ம்ம் ஜெர்மனி…சார் அந்தம்மா ஜப்பான பாத்துட்டு பயந்து  போய் தான் அப்படி ஒரு முடிவையே எடுத்துச்சு.

8) அந்த 10000  பேருக்கான வேலை வாய்ப்பு உறுதி என்னாச்சு???

                   இது எல்லாத்துக்கும் அப்பறம், அணு மின்சாரம் நமக்கு வேணும் தான. நான் இல்லன்னு சொல்லல.அதை,இந்த இளிச்ச வாய் தமிழனுங்க இருக்கற இடத்துல போய் தான் கட்டணுமா? . இதை எல்லாம் பேசிட்டு மேடம் க்யூரி மாதிரி எங்கள தியாகம் பண்ன சொல்றீங்க (என்ன ஜெஸ்ஸி ட்ரை பண்ற??). நீங்க இலங்கை தமிழர் விவகாரத்துல வாய தொறக்காதது பத்தி நான் ஒண்ணும் கேக்க போறதில்ல. ஏன்னா அப்ப  நீங்க அரசியல்வாதி இல்ல.

             கடைசியா என்ன தான் பண்ணலாம்ன்னு கேக்கறீங்களா? ஒண்ணும் பெருசா பண்ண வேணாம்.இந்த மின்சாரம் அந்த பகுதி மக்களுக்கு இலவசமா வழங்கப்படும்,மிச்ச மீதி கார்ப்பரேட் நிறுவனங்களுக்குன்னு அறிவிங்க போதும். ஏன்னா எப்படி இருந்தாலும் கட்டுனது கட்டி ஆச்சு . இனி அத ஊத்தி மூடுறத விட்டுட்டு பாதிப்புகள எப்படி கொறைக்கலாம்ன்னு யோசிப்போம்.

ஆனா இதை படிக்கும் எல்லாரும் தெரிந்து கொள்ள வேண்டிய ஒரே ஒரு விஷயம் என்னன்னா...இந்த மின்சாரம் உங்களயோ என்னயோ இந்தியாவையோ முன்னேத்த இல்ல..சத்தியமா இல்ல... கார்ப்பரேட் செக்டாருக்கு..அவங்க லாபத்துல கொழிக்கத்தான் நாம இங்க கரடியா கத்தறோம்! 

டிஸ்கி : கடைசியா உங்களையும் அரசியல்வாதி ஆக்கிட்டாங்களே சார். 

             என்னை பொறுத்த வரை இதை மூடுவது சரியான தீர்வா என தெரியவில்லை.சத்தியமாக,தெரியவில்லை. ஆனால் என்றாவது ஒரு நாள் இது அப்பகுதி மக்களுக்கு ஊறு விளைவிக்கும் என்பது மட்டும் புரிகிறது. ஏன் எனில் ஆதரிப்பர்கள் யாரும் அங்கிருந்து அனுபவிக்கப்போவதில்லை. இதற்க்கு காட்டமாக பதில் எழுதும் முன்னால் , உங்கள் மகனை அணு உலையில் வேலைக்கு அனுப்ப தயாரா என்றும் சொல்லுங்கள்?